Radhë kilometrike në pikën e kalimit kufitar të Kapshticës

Radhë të gjata automjetesh janë krijuar mbrëmjen e së hënës në pikën kufitare të Kapshticës.

Dhjetëra mjete presin për të kaluar drejt shtetit grek pasi kanë pasur disa ditë pushim lidhur me një festë që shënohet si “E hëna e pastër”.

Emigrantët e kthyer pak ditë më parë në atdhe, ditën e sotme po i drejtohen sërish Greqisë, por numri i lartë i mjeteve ka bërë të krijohet radhë në këtë doganë.

Drejtuesit kanë rreth 1 orë që presin të kalojnë. Sipas informacioneve, pala shqiptare po punon me 5 sportele ndërsa pala greke më e ngadaltë me vetëm 3 sportele.

Gjatë pasdites së sotme autoritetet tona kanë marrë takime të shumta me homologët e vendit fqinj për të normalizuar këtë situatë të krijuar dhe vetëm rreth 18:00 pala greke ka shtuar një personel me tepër por procedurat vonohen për shkak të fluksit në rritje gjatë orëve të pasdites së sotme.

Në takimin e fundit që policia jonë kufitare ka pasur me atë greke u ka kërkuar fqinjëve të punojnë me procedurë të përshpejtuar për emigrantët shqiptarë të cilët kanë pasaporta dhe karta identiteti greke.

LEXONI GJITHASHTU:

• Policia Kufitare Greke: Bllokohet lëvizja e kamionëve dhe autobusëve në Kapshticë
• Arrestohen në Qafë Thanë dhe në Kapshticë tre persona të shpallur në kërkim