“Radoiçiç mund të ketë pasaportë të re”,eksperti: Vështirë të gjendet, ka mbështetje

Eksperti i sigurisë Drizan Shala ishte këtë të martë i ftuar në një intervistë për Euronews Albania ku tha se ka shumë mundësi që rasti i Banjskës të mos hetohet kurrë.

Ai tha gjithashtu se është shumë  e vështirë që Interpoli të arrijë të vërë para drejtësisë Milan Radoiçiçin, organizator në sulmin e Banjskës, pasi sipas Shalës ai dhe veprimtaria e tij ka mbështetjen e Serbisë dhe të presidentit Vuçiç.

Eksperti tha se Radoiçiçi mund të ketë pasaportë dhe identitet të ri, gjë që do e vështirësojë kapjen e tij.

“Ka gjasa që rasti i Banjskës të mos hetohet kurrë. Efekti i kërkesës së Interpolit për Radoiçiçin nuk është se do e bindë ne nuk duhet të harrojmë një element esencial, Milan Radoiçiçi ka mbështetjen e presidentit Aleksandër Vuçiç, pra fletë-arrestet ndërkombëtare në drejtim të tij nuk duhet të harrojnë elementin esencial, se shteti i Serbisë e mbështet Milan Radoiçiçin dhe veprimtarinë e tij.

Ai mund të ketë një pasaportë të re, me identitet të ri, mund të lëvizë lirshëm. Nuk ka ndonjë element që mund të na garantojë se Serbia do e arrestojë e do e sjellë para drejtësisë. Nëse identifikohet se ai është larguar nga Serbia atëherë edhe mund të kapet”, -tha Drizan Shala.

LEXONI GJITHASHTU:

• Ushtria serbe në kufi me Kosovën, Vuçeviç: Aktivitete për mbrojtjen e vendit
• “Vuçiç do kishte marrë NOBEL-in nëse..”, Nesho: Çfarë më thanë në SHBA për Kosovën