Rama dhe Berisha munguan, kush janë deputetët që votuan kundër rritjes së pagave

Në seancën plenare të kësaj të enjteje u miratua projektligji për rritjen e pagave të administratës, deputetëve dhe ministrave.

Në votimin për rritjen e pagave të deputetëve morën pjesë 98 deputetë, 95 prej të cilëve votuan pro, 3  kundër dhe asnjë abstenim.

Sakaq kryeministri Rama dhe ish-kryeministri Berisha nuk morën pjesë në votim. Po ashtu nga kabineti qeveritar nuk ishin të pranishme gjatë votimit as dy ministret Olta Xhaçka dhe Ogerta Manastirliu.

Projektligji përmban rritjen e pagave të administratës dhe institucioneve të pavarura në nivelin nga 20-60%. Sipas propozimit, paga e deputetëve do të dyfishohet nga 156 770 lekë që është aktualisht në 310 250 lekë, ndërsa e ministrave nga 174 760 lekë në 318 750 lekë bruto. Kryeministrit dhe Kryetarit të Kuvendit paga u rritet në thuajse 400 000 lekë bruto nga 228 000 lekë që është sot.

LEXONI GJITHASHTU: 

• Pagat/ Berisha: Procesi të fillonte me vendosjen e minimumit jetik prej 200 €
• Rritja e pagave të deputetëve, Rama: Unë do votoj kundër, por 1 votë kam
• Bardhi-Ramës në parlament: Na shpjego rezultatin e Tom Doshit në zgjedhje