“Rama frikë nëse ikën Berisha”, Ngjela: Arsyeja pse prokurorët e SPAK janë në SHBA

Avokati Spartak Ngjela në një intervistë për Euronews Albania është shprehur se nëse ikën Sali Berisha dhe PD riformohet, Edi Rama do bjerë nga pushteti.

Sipas tij është Edi Rama që po e mban Berishën të jetë ende pjesë e PD, pasi ka interesat e tij.

Ngjela theksoi se Berisha nuk ka mbështjetje popullore pasi është i shpallur ‘non grata’ në SHBA.

“Rama është mërzitur më shumë se Saliu, ku fiton dot më Rama, po iku Saliu.  Unë e mbaj Saliun. Ai e mban, jo se e ka partner. Le të ik Berisha, të riformohet PD dhe për tre muaj bie Rama. Berisha nuk ka fare mbështetje popullore. I ka vërëm fjalë Berisha. Nuk të ndjekin mbrapa shqiptarët kur je ‘non grata’ në Amerikë. Berishën e ndjekin një numër shumë i vogël fanatikësh. Arsyeja kryesore se përse ai nuk i thërret është se e di që nuk do i vijnë. E provoi Berisha.

Ngjela komentoi dhe vizitën e prokurorëve të SPAK në SHBA duke thënë se mund të ketë arreste të tjera të nivelit të lartë.

“Mund të ketë arreste të tjera të nivelit të lartë. Do i japin forcë”- theksoi ai.

LEXONI GJITHASHTU: 

• VIDEO| Gruaja në Tiranë dhunon qenin e saj, e qëllon me shqelma në ashensor
• Blinken vesh të birin si Zelensky për Halloween, kritikohet në rrjete sociale