Rama: Gabim i madh nëse RMV s’do të pranojë propozimin francez

Kryeministri Edi Rama shprehet se do ishte një gabim  i madh nëse Maqedonia e Veriut nuk do të pranonte propozimin e presidentit francez, Emanuel Macron lidhur me zgjidhjen e ngërçit me Bullgarinë.

Një intervistë për “Kanal 5” në Shkup, Rama apeloi që drejtuesit e Maqedonisë së Veriut të pranojnë propozimin që i hap rrugë procesit të negociatave për Tiranën dhe Shkupin.

“Ka të bëjë me zgjedhje dhe tani ka ardhur koha të bëni zgjedhjen. Instikti dhe mendimi im modest më thotë që do ishte një gabim i madh mos t’a pranoni. Do të ishte një ë i madh sepse vendi mund të mbetet shumë mbrapa dhe askush nuk do ketë vullnetin të kthehet  prapë dhe imagjinoni të mblidhni të gjitha vendet bashkë, prandaj mos e bëni, thjesht mos e bëni”, u shpreh Rama.

Kreu i qeverisë shqiptare nënvizoi se nëse Maqedonia e Veriut e refuzon propozimin francez, Shqipëria do të kërkojë të eci ndarazi për çështjen e negociatave.

“Shqipëria tani e ka kapërcyer pikën ku mund të eci vetëm dhe sigurisht ne do të kërkojmë të ecim të ndarë nëse Maqedonia e Veriut nuk do e pranojë por po them do e pranoj sepse nuk do ketë një propozim tjetër, është përfundimtari, dhe ju nuk keni pse të rrini dhe 17 vite të tjera përballë asaj dere. Ajo derë duhet të hapet dhe në një farë mënyre çdo gjë do të diskutohet, çdo pikë do kalojë në debat, çdo pyetje do marrë përgjigje në dialogun midis Maqedonisë së Veriut dhe Bullgarisë, kështu që hapeni këtë derë, hapeni tani”, u shpreh ai.

LEXONI GJITHASHTU:

• Rama: Do isha shumë i lumtur të kisha në qeveri Bujar Osmanin
• Rama thirrje Maqedonisë së Veriut: Pranojeni propozimin francez