Rama homazhe për viktimat e 21 janarit: Fakt i ri rrënqethës ka dalë në dritë

Kryeministri Edi Rama, i shoqëruar dhe nga familjarët e viktimave të protestës së 21 janarit ka zhvilluar homazhe në Bulevardin Dëshmorët e Kombit, në vendin ku u qëlluan 4 protestuesit.

Përmes një postimi në facebook, shefi i qeverisë ka shpërndarë foto nga homazhet dhe pritja e bërë për familjarët e viktimave në kryeministri.

Në mbishkrimin e fotove Rama shkruan se drejtësia duhet të bëjë drejtësi, ndërkohë që e vërteta dihet botërisht mbi mënyrën si u qëlluan protestuesit.

Rama shton se një fakt i ri rrënqethës ka dalë në dritë, duke iu referuar një mesazhi audio të publikuar nga gazetari Artan Hoxha, i cili pohon se të shtënat ndaj turmës nisën me urdhër nga lart.

“Homazhe në pritjen e pafundme që drejtësia të bëjë drejtësi, ndërkohë që e vërteta dihet botërisht dhe një fakt i ri rrënqethës sapo ka dalë në dritë…”, shkruan Rama krahas fotove në facebook.

LEXO GJITHASHTU:

• 12 vjet nga protesta e 21 janarit
• 12 vite nga 21 janari, Spiropali: Krim shtetëror, SPAK të hapë hetimin