Rama: Jemi duke punuar për kartën elektronike të identitetit sipas standardeve të BE

Kryeministri Edi Rama ishte i pranishëm këtë të enjte në aktivitetin “Fuqizimi i AI në Shërbimet Publike Digjitale në Shqipëri”, i zhvilluar në kuadër të modernizimit të administratës publike.

Gjatë fjalës së tij, Rama tha se për herë të parë po punohet për kartën elektronike të identitetit, në përputhje me standardet e Bashkimit Evropian.

“Ne jemi duke punuar për kartën elektronike të identitetit, që është e gjitha sipas standardeve të përcaktuara nga BE për kartën elektronike të identitetit që BE do të fusë në funksion. Ne i kemi marrë parametrat dhe jemi duke punuar për të. Fillimisht do të shërbejë si kartë identiteti këtu në Shqipëri,” – tha Rama.

Ai theksoi gjithashtu se Shqipëria ka përballuar me sukses një numër të konsiderueshëm sulmesh kibernetike, përfshirë edhe një sulm të madh nga Irani, duke e cilësuar vendin si një ndër më të mbrojturit në Evropë në aspektin e sigurisë digjitale.

LEXONI GJITHASHTU

• Rama i rendit ndjekësit investimet në veri: Dënglat për veri e jug mos mi trego mua
• “Mora leje për ta publikuar”, Rama sqaron foton me zarfin e votës së diasporës