“Rama ka marrë peng integrimin”, Meta: Numërimi mbrapsht ka nisur

Kryetari i Partisë së Lirisë, Ilir Meta në fjalimin e tij në protestën e opozitës sulmoi kryeministrin Edi Rama si njeriu që sipas tij ka marrë peng integrimin në BE dhe të ardhmen e vendit

Sipas tij, sot me opozitën janë gjithë shqiptarët që mbijetojnë në kufijtë e varfërisë.

“Edi Rama do japë llogari për përjashtimet staliniste të deputetëve të PD nga grupet parlamentare, do japë llogari deri në fund për pengmarrjen e integrimit evropian se me veprimet e tij mafioze i është kundërvënë shtetit ligjor,  e zëvendësoi integrimit evropian me korrupsionin ndërkombëtar. Me Ramën kryeministër vendi zhytet në korrupsion. Populli i Shqipërisë e ka martë vendimin e tij solemn. Numërimi mbrapsht për largimin përfundimtar të sektit të rilindjes ka filluar”, tha Meta.

LEXONI GJITHASHTU:

• Meta merr fjalën në protestën e opozitës: Sot nis rezistenca pa kthim
• Kryemadhi: Dal në protestë si qytetare, jo si mbështetëse e liderëve të opozitës