English

Rama mbledh administratën: Kjo skuadër do të fitojë të ardhmen e Shqipërisë

KOMENTE

SHPERNDAJE
ARTIKULLIN

Text sizeAa Aa

Kryeministri Edi Rama ka zhvilluar një takim me përfaqësues të administratës shtetërore, për të diskutuar për një projekt për energjizimin dhe profesionalizimin e saj.

- Advertisement -

Gjatë fjalës së tij, Rama tha se administrata publike është armata jonë pararojë e betejës për anëtarësimin në BE dhe për jetësimin e vizionit.

Rama tha gjithashtu kjo armatë e pazëvendësueshme duhet të hyjë medoemos në një fazë të re energjizimi e profesionalizmi, për të rritur ndjeshëm performancën e Shqipërisë, duke fuqizuar mirëqeverisjen, rendin ligjor dhe antikorrupsionin.

Shefi i qeverisë e krahasoi administratën publike me ekipin e Kombëtares shqiptare, ku secili anëtar mbart një mision, njësoj si lojtarët në Futboll.

“Nuk e kam besuar që administrata jonë do të mund të nxirrte nga vetja një skuadër kombëtare aq të madhe, sepse të pafundme janë pikat mbi të cilat procesi duhet të kalonte dhe do të na zbardhte faqen me superlative në Bruksel. Nuk e kam besuar dhe e kam ndarë me zë të ulët edhe me disa prej bashkëpunëtorëve, se ky mund të jetë momenti ynë i një sakëlldie të jashtëzakonshme, sepse mund të shfaqemi me dobësira që në Bruksel nuk u fsheh dot.

Edhe unë kam rënë pre e një pjese të perceptimit të përgjithshëm që administrate është një trupë njerëzish parazitë, një trup njerëzish që marrin rrogat dhe nuk bëjnë gjë, etj. Edhe unë mesa duket kisha ndikimin nga ky perceptim.

Procesi i radiografimit të thellë të Shqipërisë përmes 777 prezantimesh, përfundoi me shpejtësi dhe me aq shumë habi në Bruksel për performacnën e skuadrës tonë kombëtare, është siguria më e madhe se ne sot i kemi të gjitha arsyet për të besuar që Shqipëria mund të mbështetet te kjo administratë, mund t’ja dalë objektivit të anëtarësimit më shpejt nga vendet e rajonit, në radhë të parë falë kësaj administrate. Ju kërkoj të gjithëve ta shihni veten si lojëtarët e ekipit kombëtar.

Pavarësisht se kjo skuadër nuk vishet e gjitha njësoj, secili prej jush mbart sot, pikërisht sepse janë pjesë e kësaj skuadre, të njëjtin mision që mbart çdo lojtar i ekipit tonë kombëtar. Por në rast se ekipi ynë kombëtar fiton një lojë dhe bën të buzëqeshë gjithë Shqipëria për një mbrëmje, kjo skuadër kombëtare do të fitojë të ardhmen e Shqipërisë dhe ky është fakt”, tha Rama.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?