Pak ditë përpara se të nisë sesioni i ri parlamentar në datat 28 dhe 29 gusht, kryeministri Edi Rama do të mbledhë kabinetin qeveritar.
Burime për Euronews Albania bëjnë me dije se ministrat janë njoftuar për një ‘retreat’, që do të mbahet në këto data dhe duhet të kenë gati një analizë të punës dhe objektivave të dikastereve përkatëse që mbulojnë.
Në fund të muajit korrik Rama prezantoi disa ndryshime në qeverinë e tij. Kështu Ervin Hoxha zëvendësoi Taulant Ballën në drejtimin e punëve të Brendshme, Pirro Vëngu mori drejtimin e Mbrojtjes dhe Petrit Malaj, si ministër i Financave.
Sakaq, Taulant Balla, u dekretua ministrit i Shtetit për Marrëdhëniet me Parlamentin, ku zëvendësoi në këtë post Elisa Spiropalin, e cila mori drejtimin e Kuvendit në vend të Lindita Nikollës që u dorëhoq.
