Rama me punonjësit e Bashkisë së Tiranës: Sfidë, më gjeni një shkollë kur këneta…

Kryeministri Edi Rama ishte këtë të enjte në një takim me punonjësit e Bashkisë së Tiranës. Ai tha se sfidon këdo që e pranon sfidën të gjejë një shkollë që u ndërtua nga Partia Demokratike dhe nuk është rindërtuar sërish kur Partia Socialiste ka ardhur në pushtet.

Ai tha gjithashtu se i sfidon të gjithë që të gjejnë një shkollë të re të ndërtuar në dekadën e fundit që të mos jetë njësoj si shkollat në Europë.

“Do i bëja një thirrje publike sot, kujtdo që e pranon sfidën, më gjeni një shkollë të vetme që të jetë ndërtuar kur këneta ishte në pushtet, ishte në qeveri, ishte në Tiranë, apo në çdo qytet e të mos jetë rindërtuar. Nga ana tjetër më gjeni një shkollë të re të ndërtuar në Tiranë apo ndonjë qytet tjetër, që të mos jetë si shkollat në Europë. Ky është dallimi mes nesh dhe atyre”,-tha kryeministri Rama.

LEXONI GJITHASHTU:

• “Unë nuk iki, kam një luftë për të mbaruar”, Rama: Balta e varrezave të Sharrës…
• “Bashkia në moment delikat”, nënkryetari i këshillit bashkiak për “mitingun” e Ramës