“Angazhim kundër trafikantëve”, Rama-Sunak: Objektivi ynë, “mollët e kalbura”
Lufta kundër rrjeteve që mundësojnë kalimin e emigrantëve shqiptarë me gomone nga Franca drejt Mbretërisë së Bashkuar ishte fokusi i takimit që kryeministri Edi Rama zhvilloi me homologun Rishi Sunak në “Downing Street” të Londrës.
Sunak i rikujtoi Ramës edhe një kërkesë të hershme britanike, kthimin e të burgosurve shqiptarë.
“Mbretëria e Bashkuar dhe Shqipëria qartazi kanë tashmë një partneritet të fortë dhe presim me padurim të thellojmë këtë marrëdhënie me Ju sot. Vitin e kaluar kemi nënshkruar një komunikatë për të luftuar migracionin e paligjshëm dhe jam shumë i kënaqur me progresin e bërë në këtë drejtim. Do ta diskutojmë këtë më vonë, gjithashtu edhe se çfarë mund të bëjmë më shumë për kthimin e të burgosurve. Por po kështu, ka më shumë kjo marrëdhënia jonë për të folur, që është forcimi i bashkëpunimit tonë ekonomik, tregtisë, sigurisë, sidomos lufta kundër sulmeve armiqësore kibernetike me të cilat është përballur Shqipëria”, u shpreh Sunak.
Shqipëria dhe Britania kanë bashkuar forcat, tha Rama, për të goditur rrjetet kriminale dhe gjithashtu për të shmangur që njerëz të pafajshëm të zihen në grepin e këtyre rrjeteve.
“Dua t’ju falënderoj për mundësinë që të theksoj se, ashtu siç jo të gjithë britanikët janë “James Bond” apo “Mr. Bean”, ashtu edhe jo të gjithë shqiptarët janë personazhe që dalin nga “Taken”. Ashtu siç djali që vjen me një varkë nuk është thjeshtë një shqiptar, por pjesë e një tabloje më të gjerë, po kështu Dua Lipa nuk është thjeshtë një këngëtare britanike, por një emigrante shqiptare që ka ardhur këtu si shumë të tjerë që kanë ardhur të ndërtojnë, të kujdesen, të gatuajnë dhe të këndojnë për ju dhe duam të sigurohemi që ky komunitet të ndihet jo vetëm i sigurt, por edhe i nderuar këtu”, tha Rama.
Ata shqiptarë që përfshihen në aktivitete kriminale, kryeministri Rama i cilësoi si “mollë të kalbura”.
“Mollët e kalbura janë objekti ynë i përbashkët për t’u luftuar dhe për të fituar këtë betejë dhe siç e thatë edhe Ju, sa i takon sigurisë ne jemi më shumë se të interesuar për të forcuar bashkëpunimin tonë”, u shpreh Rama.
LEXONI GJITHASHTU:
- Rama pritet nga kryeministri i Britanisë së Madhe Rishi Sunak
- Rama pritet nga kreu i Kuvendit në Britani: Keqardhje për retorikën ndaj shqiptarëve
Vlorë, IMT prisht 3 objekte në kuadër të projektit Transballkanike-Port-Lungomare 4
Replika në Konferencën e Kryetarëve, Bardhi: Pse i fshiheni debatit? Balla: Nuk iu njohim si përfaqësues të protestës
Aksident i rëndë pranë urës së Milotit gjatë natës, plagosen 4 persona! Nisen me urgjencë drejt Traumës (VIDEO)
- 12:18 Shakira surprizon fansat, kërkon bashkëpunim me Dua Lipën (VIDEO)
- 12:15 Protestuesit kërkojnë një Kryeministër, jo me më shumë se dy mandate! Përgjigjet për herë të parë Taulant Balla
- 12:00 Vala e të nxehtit në Spanjë, 212 viktima gjatë katër ditëve të fundit
- 12:00 Macron: Marina franceze ka kapur një tjetër tanker rus të “flotës në hije”
- 11:58 Balla: Nuk e njohim Sali Berishën si përfaqësues të protestës
- 11:55 Vlorë, IMT prisht 3 objekte në kuadër të projektit Transballkanike-Port-Lungomare 4