Kryeministri Edi Rama konfirmoi se nuk do të ketë ndryshime në qeveri, ndryshe nga ç’është përfolur ditët e fundit në media.

I pyetur nga gazetarët pas mbledhjes së kryesisë së PS, kryeministri tha: Nuk ka arsye pse të ketë ndryshime në qeveri.

Rama tregoi se në mbledhjen e kryesisë u diskutua lidhur me organizimin e Kongresit të PS, që pritet të mbahet më 9 prill.

Ai tha se në kongres do të paraqiten rezultatet e Këshillimit Kombëtar, një proces që siç theksoi do të mbahet çdo vit.

“Është një proces i rëndësishëm që do ta bëjmë çdo vit dhe do u tregojmë njerëzve se çfarë ata kanë vendosur, do të bëhet”, tha Rama.

LEXONI GJITHASHTU:

• Rama injoron Berishën: Nuk flas për ‘të vdekurit’
• Rama për Bllakon: Para ligjit nuk ka të fortë, të gjithë të barabartë