Rama nderon presidentin Macron: E presim Francën me krenari dhe shpresë

Kryeministri Edi Rama ka pritur këtë të hënë në ambientet e Pallatit të Brigadave presidentin e Francës EmManuel Macron.

Lideri francez nuk ishte i pranishëm në Samitin e Procesit të Berlinit, por arriti në Tiranë pasditen e kësaj të hëne ku dhe i dorëzoi shkrimtarit Ismail Kadare Dekoratën e “Oficerit të Madh të Legjionit të Nderit”.

Kjo është vizita e parë e Macron në Shqipëri, vizitë të cilën kryeministri Rama e ka vlerësuar duke thënë se “Shqipëria pret Francën me krenari, me shpresë dhe me kënaqësi”

Fjala e plotë e kryeministrit Rama:

“Në historinë e saj të gjatë, Shqipëria ka parë të kalojnë në truallin e saj dhe të përzihen me tallazet e saj turma të panumërta francezësh të njohur dhe më pak të njohur. Në kohët e largëta dhe më pak të gëzuara ishin normadët, në kohët më të hershme dhe më pak të gëzuara turistët, nga sundimi i të cilëve për peizazhet tona dhe kulturën tonë, brigjet tona, vetëm sa ka filluar. Më shumë se 80 mijë vetë, këtë vit. Gjë që na motivon të vazhdojmë përpjekjen e përbashkët për të afruar dy vendet tona duke bërë shkëmbime.

Gjithashtu kemi një lidhje akoma më të fortë përmes fluturimeve direkt mes Francës dhe Shqipërisë. Ndoshta Shqipëria ka pasur francezë të interesuar që ta njihnin, megjithatë ajo deri më sot nuk e ka pritur kurrë Francën. Sigurisht që një prani si ajo e Francës nuk mund të finalizohet vetëm me vizita zyrtare. Ajo merr gjithë kuptimin e saj, vetëm kur kryetari i shtetit që e mishëron jashtë dhe jep impulsin e lë në të njëjtën kohë gjurmën.

Mjafton të shohim agjendën e kësaj vizite për të kuptuar marrëdhëniet tona në fusha si ekonomia, fushën e arteve vizuale, kinemasë apo artit bashkëkohor. Duke ju pritur ju sot zoti president, Shqipëria pret Francën me krenari, me shpresë dhe me kënaqësi. Kjo është një ndjesi e thellë që ka rrënjët e veta në histori”,-tha Rama.

LEXONI GJITHASHTU:

• 2030 viti i integrimit? Von der Leyen: Ballkani Perëndimor të zgjedhë, Rusi apo BE
• “Vuçiç i zënë në Kinë”, Kurti: I kërkova Brnabiç të nënshkruajmë marrëveshjen bazike