Rama në Impiantin e Ferrokromit në Elbasan: Për njerëzit e punës, asgjë e pamundur

Kryeministri Edi Rama ka vizituar këtë të mërkurë më 1 maj Elbasanin. Ai bëri një vizitë në  impiantin e Ferrokromit të AlbChrome, ku sipas tij me investimet e reja sigurohet respektimi i të gjitha standardeve mjedisore dhe sociale, si detyrim i të gjitha sipërmarrjeve që ta mbrojnë dhe të mos ndotin hapësirën tonë të përbashkët.

Në fillim të fjalës së tij ai ka uruar të gjithë punëtorët për 1 majin duke thënë se me punë asgjë nuk është e pamundur në Shqipëri.

“U uroj të gjithë njerëzve të punës, njerëzve që besojnë te puna, ata që provojnë se përmes punës asgjë nuk është e pamundur në këtë vendin tonë të bekuar, që nga maja e maleve deri te fushat e begata te Shqipërisë. Urimi im është që çdo njeri i punës të ketë vetëm bekime dhe shëndet.

Sot na solli këtu premtimi i mbajtur i kompanisë pas një udhëkryqi dhe një ngërçi të krijuar si rezultat i një reagimi legjitim i komunitetit dhe reagim legjitim i institucioneve për të ndalur hermetizmin, duke vendosur të gjithë filtrat e nevojshëm. Kompania e kishte në plan ta bënte këtë investim por nga ana tjetër për ne ishte e domosdoshme që ky investim të vendosej nga kompania si prioriteti numër 1.

Unë thash se nëse kjo përfundonte në 1 maj ne do të vinim për ta përuruar, sepse ky është një fat dhe ja ku jemi, që të shikojmë jo vetëm rezultatin e këtij investimi, por të gjithë transformimin e bërë për të rritur cilësisht kushtet e punëtorëve”,-tha kryeministri Rama.

LEXONI GJITHASHTU:

• Pse u tërhoq Rai 3? Çani: Rama do i hipë avionit, do i shkojë live në studio
• “Nuk rrini dot pa kartolinë nga Rama”- Përplasje në komisionin e Tims-it