Rama: Nëse nuk ka paqe me Serbinë, nuk garantohet qetësia në Veri të Kosovës

Kreu i qeverisë Edi Rama në fjalën e tij që po mban në foltoren e Kuvendit në seancën plenare që po mbahet për rezolutën në Veri të Kosovës tha se nëse nuk garantohet paqja me Serbinë nuk do të garantohet as qetësia në Veri.

Ai theksoi se KFOR do të vazhdojë të rri në Kosovë deri kur dialogu i normalizimit me Serbinë të jetë kryer me sukses.

“Mua kjo mënyrë e qasjes ndaj një problemi kaq serioz më duket një alibi për ta mbajtur gjallë burimin e konfliktit, jo si një shqetësim logjik, për sovranitetin e Republikës së Kosovës, garanti më i fortë që është prania e NATO-s e jo turma e sherrxhinjve. KFOR nuk është një ushtri pushtuese në Kosovë. KFOR është njësia e çlirimtarëve ndërkombëtarë të Kosovës, apo nuk e mbani mend këtë. Kur tjetri ta ruan shpinën dhe mbase të ka shpëtuar dhe kokën ekziston mundësia që fillon e të gënjen mendja sikur rreziku nuk ekziston më, dhe të duket se ai po të spiunon.

KFOR do të vazhdojë të rri në Kosovë deri kur dialogu i normalizimit me Serbinë të jetë kryer me sukses. Çfarë garancish ka që vrasja e Bunjakut nuk do të përsëritet. Si mund të garantohet qetësia atje nëse nuk garantohet paqja me Serbinë. Paqja bëhet me armikun jo me vëllanë. Pse duhen harxhuar kaq shumë kohë në një rrugë kaq zhgënjyese. Sovraniteti shtetëror i Kosovës mund të lëndohet prej kësaj rrugë”-tha ai.

LEXONI GJITHASHTU: 

• ‘Kam thënë gjënë e duhur”, Rama sqaron deklaratën e tij për KFOR-in në Veri
• “Shqipëria, faktor paqeje”- Rama: S’e bëjmë t’i shërbejmë Serbisë, por për kombin