Rama nga Berati: Në Shqipëri ka mundësi për të gjithë

Nga Berati, kryeministri Edi Rama iu rikthye sërish çështjes së largimit të shqiptarëve nga vendi.

Kreu i qeverisë deklaroi se nuk do të jetë e largët koha kur në atdhe do të ketë më shumë kthime sesa largime.

“Të bësh një zgjedhje për të provuar veten në një vend tjetër është e natyrshme. Por ama të thuash që unë do shkoj në një vend tjetër se këtu nuk ka mundësira kjo nuk është e vërtetë. Patjëter që ka mundësi dhe ka gjithmonë e më shumë mundësi për të gjithë ata që duan t’i shikojnë”, tha ai.

Kryeministri nuk la as pa sulmuar opozitën, të cilën e konsideroi të shitur. Përpara beratasve, ai kërkoi distancim ata që i konsideroi farë të keqe.

‘Kush e mbron me krenari shqipërinë dhe kush është krenar për emrin shqiptar nuk mund të përzihet me këtë lloj fare të keqe e cila sic ju thashë ka mbirë në 1912 dhe nuk i ndahet këtij vendi dhe nuk ka për t’ju ndarë deri kur shqiptarët, jo një shumicë por të tërë të ndahen prej kësaj fare”, theksoi Rama.

Rama u shpreh i prerë për ndërtimin e Portit të Durrësit. Sipas tij, projekti do të ketë ndikim në ekonominë e vendit dhe jetën e qytetarëve.

LEXONI GJITHASHTU

• Gazetari Papa: Rama dhe Vuçiç po mbështesin ndikimin rus në Shqipëri
• Meta akuza Ramës: Do të japë 1 miliard euro për shtatë koncensione
• Protestë për Portin e Durrësit, Berisha: Goditet rëndë pasuria e vendit