Rama nis vizitën zyrtare në Londër, pritet të takohet me Rishi Sunak

Kryeministri Edi Rama nis sot vizitën zyrtare në Londër. Kreu i qeverisë shqiptare do të ketë disa takime me zyrtarë në Britaninë e Madhe.

Në mesditë do të takohet me kreun e Kuvendit britanik. Në orët e pasdites, Rama do ta zhvillojë takim me homologun e tij, Rishi Sunak.

Pas takimit në orën 16:00, kryeministrat do të kenë një deklaratë për mediat. Në takim pritet të diskutohet për çështjen e emigrantëve të paligjshëm por edhe marrëdheniet mes dy vendeve.

Kryeministri Rama do të marrë pjesë gjithashtu në një aktivitet të rëndësishëm ku pritet të diskutohen pikat e mëposhtme:

Si po i përgjigjet Shqipëria agresionit rus dhe cili është qëndrimi i saj ndaj Ukrainës?

Ku beson Tirana se Kina përbën kërcënimin më serioz?

Si mund t’i përgjigjen më mirë vendet evropiane migracionit të paligjshëm dhe të kontrollojnë më mirë fluksin e njerëzve?

Si ndikohet rajoni i Ballkanit Perëndimor nga lufta në Ukrainë dhe si mund të kontribuojë në sfidat e sigurisë të paraqitura nga lufta?

LEXO GJITHASHTU:

• Rama vizitë 2-ditore në Athinë, çel ekspozitën me piktura dhe takon klasën politike
• PS zyrtarizon kandidatët të shtunën, ndryshime vetëm në 16 nga 61 bashki të vendit