Rama për policin e vrarë në Kosovë: Përulem me nderim, dha jetën në detyrë

Ndërkohë që kosova e ka shpalur ditën e sotme, ditë zie kombëtare në nderim të policit të vrarë ditën e djeshme nga një sulm terrorist, kryeministri Rama ka ndarë në Facebook një postim në nderim të viktimës, Afrim Bunjaku.

“Mirmëngjes me përuljen me nderim për efektivin e Policisë së Kosovës, Afrim Bunjaku, i cili dha jetën në krye të detyrës”,-shkruan kryeministri Edi Rama.

Kujtojmë se Në orën 02:34 të mëngjesit të ditës së djeshme Policia e Kosovës ka ndërhyrë për të larguar dy kamionë që e kishin bllokuar rrugën për në fshatin Banjskë të komunës së Zveçanit, duke u përballur me një sulm nga një grup i personave të armatosur dhe maskuar.

Policia e Kosovës ka njoftuar se ishin rreth 30 persona të uniformuar e të armatosur. Policia e Kosovës arriti të sigurojë pamjet e tyre brenda manastirit dhe shihen të maskuar e të uniformuar. Autoritetet panë edhe autoblinda dhe arsenal armësh.

Një pjesëtar i policisë së Kosovës mbeti i vrarë ndërsa 3 të tjerë u plagosën gjatë përleshjeve me një grup prej 30 personash të armatosur në veri të Kosovës, në fshatin Banjskë të Zveçanit. Policia arriti të rimerrte kontrollin në orët e mbrëmjes ndërsa vrau 3 sulmues, dhe arrestoi 6 të tjerë, 2 prej tyre të plagosur.

LEXONI GJITHASHTU:

• Eksperti Elezi: 70 % e monedhave të falsifikuara në Kosovë vijnë nga Serbia
• “Grave iu është bërë dhuna si ‘buka që hanë’- Pedagogia myslimane tregon rastet