Rama për rikthimin e aksionit opozitar: Mos i falni më, shkatërrojini me votë

Kryeministri Edi Rama ka reaguar me anë të një postimi në platformën “X” në lidhje me rikthimin e aksionit opozitar në parlament.

Pas debateve në Parlament e protestës së opozitës jashtë tij, Rama ai shtron pyetjen retorike  në “X” se cilët janë autorët e rikthimit të shpejtë në identitet të opozitës.

Ai thotë se tashmë ka ardhur koha që shqiptarët t’i shkatërrojnë me votë opozitarët.

“Cilët ishin autorët e rikthimit kaq të shpejtë në identitet të opozitës sot në parlament? Një kriminel italian i dënuar 17 vjet nga drejtësia shqiptare; Një ish-zv.kryeministër i arratisur për t’i ikur drejtësisë; Një ish-kryeministër në arrest shtëpie me vendim të drejtësisë; Një ish-prokuror i përjashtuar nga sistemi i drejtësisë për mosjustifikim pasurie; Një program në RAI 3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës.

Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta. Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush”,-thuhet ne postimin e Ramës.

LEXONI GJITHASHTU:

• Tensione në Parlament dhe jashtë tij, Flamur Noka përjashtohet nga seanca
• Dy efektivë të lënduar lehtë nga përplasja me protestuesit para Parlamentit