‘Rama po e përdor shtetin si Whatsapp’, Abilekaj debaton me Ndrecajn

Analisti Enton Abilekaj dhe juristi Plarent Ndrecaj kanë debatuar në lidhje me çështjen e ish-presidentit Ilir Meta, për akuzat se ka qenë bashkëpunëtor i ish-Sigurimit të Shtetit.

Në emisionin “Now” në “Euronews Albania”, Abilekaj u shpreh se ky rast tregon se kryeministri Edi Rama e përdor shtetin.

“Rasti i Ilir Metës tregon që Rama tallet me shtetin, e përdor si whatsapp-in e vet. Ky është problemi që kemi. Jam dakord të hetohet Ilir Meta, të dalë edhe nga politika. Problemi është që Meta neve na shërben për të kuptuar se çfarë marrëdhënie ka shteti me pushtetin. Nuk ka shtet, ka rënë në në një pushtet personal të një njeriu. Të shqetëson ty kjo?”, tha Abilekaj.

Ndërsa, Ndreca nuk ndau të njëjtin qëndrim me analistin.

“Nuk më shqetëson sepse nuk është kështu si the ti. The që Autoriteti i Dosjeve e ka marrë nga Rama, ku e di këtë ti? Ti po bën deduksion. Fakti është kur ti ke një dokument apo provë që Rama ia ka kërkuar këtë gjë Autoritetit të Dosjeve”, deklaroi ai.

Kreu i Partisë së Lirisë, Ilir Meta ka kallëzuar Autoritetin e Dosjeve, ashtu siç e kishte paralajmëruar pak javë më parë.

Meta sqaron se kallëzimi është bërë për shkeljet e rënda dhe të qëllimshme që i ka bërë ky institucion, ligjit organik për dosjet e ish-Sigurimit të Shtetit.

Ai hedh edhe akuza ndaj Ramës, ku shprehet se kemi të bëjmë me një shantazh politik.

Ndërsa, Autoriteti i Dosjeve thotë se akuzat e Metës janë të pabazuara e dashakeqe ndaj institucionit dhe fyese për dinjitetin e secilit prej anëtarëve.

LEXONI GJITHASHTU

• “Kryemaskarai po nënshtron maskarenjtë e tjerë”, Bushati përplaset me Ndrecën
• ‘Rama ka kapur çdo pushtet’, Andi Bushati: Kontrollon SPAK dhe Autoritetin e Dosjeve
• Andi Bushati: Nëse Meta del spiun, Berisha dhe Rama të shporren nga jeta politike