Studiuesi Behar Gjoka është i mendimit se nëse kryeministri është vërtetë i shqetësuar për ruajtjen e shqipes atëherë ai duhet të bëjë një kërkesë për gjuhëtarët.
“Kërkesën drejtuar gjuhëtarëve, institucioneve, akademisë,” – u shpreh ai për “Review” në Euronews Albania.
Nga ana tjetër, studiuesja Nevila Nika tha se Instituti i Gjuhësisë ka detyrim parësor të mbrojë gjuhën dhe për këtë nuk i duhet një kërkesë me shkrim nga kryeministri.
Sipas Gjokës, ata mund të bëjnë studimin, por pa kërkesën e kryeministrit nuk mund të mishërohet.
“E bëri ai studimin, e botoi, por problemi është këtu që shteti duhet ta marrë shumë seriozisht këtë problem,” – u shpreh studiuesi.
“Akademia e Studimeve Albanologjike është një institucion i një niveli të lartë. Rektori i kësaj akademie merr miratimin e Presidentit të Republikës, nuk është një institut dosido. Pra, ata e kanë për detyrë, më të mirët janë atje,” – u shpreh nga ana tjetër studiuesja Nika.
LEXONI GJITHASHTU:
- Gjuhëtari: Administrata ka kontribuar në bastardimin e gjuhës shqipe
- Studiuesja: Gjuha shqipe është bastarduar kryesisht nga media
