Rama: Pavarësuam drejtësinë nga pushteti, rrëzuam monumentin e pandëshkueshmërisë

Kryeministri Edi Rama mblodhi paraditen e së martës grupin parlamentar socialist, ku i pranishëm ishte edhe i gjithë kabineti qeveritar.

Në fjalën e tij hyrëse Rama bëri një përmbledhje të arritjeve të qeverisjes së tij, theksoi se PS ka mundur të bëjë realitet atë që s’e ka bërë dot asnjë forcë tjetër politike, pavarësimin e drejtësisë nga pushteti.

“Kjo forcë qeverisëse, PS është prej 1 dekade në luftë për ta bërë Shqipërinë një shtet real ku mirëqeverisja dhe sundimi i ligjit të arrijë nivelin e një vendi të BE. Askush më parë, që nga ngritja e Flamurit s’i ka hyrë detin në këmbë për të pavarësuar drejtësinë nga pushteti, ndaj asnjëherë askush që ka qenë pjesë e pushtetit nuk është hetuar nga një drejtësi e pavarur siç është sot, dhe krenarinë për ardhjen e kësaj dite nuk na e merr dot askush. Pa vendosmërinë e PS Shqipëria sot nuk do të shihte rrëzimin e monumentit më të shëmtuar të kulturës së pandëshkueshmërisë”, tha Rama.

Përpara mbledhjes se grupit, kryeministri Rama ka qenë në një takim në kryesinë e Kuvendit me Fatmir Xhafën, Elisa Spiropalin, Damian Gjiknurin, Toni Gogun, Etilda Gjonaj, Ermonela Felaj, Adea Pirdeni, Bledi Çuçin dhe Lindita  Nikollën.

LEXONI GJITHASHTU:

• Rama mbledh sot deputetët dhe ministrat në Kryesinë e Kuvendit
• “Gjykatat, pazar i gjësë së gjallë”- Rama: Para 10 viteve, krimi kishte kapur vendin