Rama: Serbia do jetë në samit, e kundërta do ishte katastrofë për Vuçiç

Kryeministri Edi Rama tha se Serbia do të jetë pjesë e samitit BE-Ballkani Perëndimor që do të mbahet në Tiranë në 6 dhjetor.

Në një komunikim me mediat në rrjetet sociale rreth samitit që do të mbahet në Tiranë, Rama u përgjigj lidhur me deklaratën e presidentit të Serbisë Aleksandër Vuçiç, i cili tha se  Serbia nuk do të vijë jetë në samitin.

“Nuk emocionohem nga deklarata të politikanëve vendas apo të huaj që bëhen për qëllime të tyre politike. Serbia do të jetë në samit dhe presidenti i Serbisë nuk ka asnjë rrugë tjetër përveçse të vijë në samit, këtë ua them me bindje. E kundërta do të ishte katastrofë për Serbinë dhe atë vetë”, tha Rama.

Disa ditë më parë presidenti serb Aleksandër Vuçiç deklaroi se askush nga Serbia nuk do të jetë në Tiranë në Samitin BE-Ballkani Perëndimor më 6 dhjetor për shkak të, siç tha ai, reagimit “të turpshëm” të BE-së për emërimin e Nenad Rashiçit si ministër në Qeverinë e Kosovës.

LEXONI GJITHASHTU:

• ‘S’po refuzon Ramën’, Bushati tregon pse nuk vjen Vuçiç në Tiranë
• Camaj: Vuçiç do vetëm destabilizimin e Malit të Zi
• Vuçiç bojkoton Samitin e BE: Askush nga Serbia nuk do të shkojë në Tiranë