Rama shpjegon aktakuzën: S’ka asnjë të akuzuar tjetër vec McGonigal

Kryeministri Edi Rama mbajti fjalën e tij në seancën maratonë të kësaj të enjteje në Kuvend.

Ai e cilësoi opozitën një “shpërthim të kanalit të ujërave të zeza” që kërkon të përdorë politikisht çështjen McGonigal.

“Një përpjekje e dëshpëruar për të shfrytëzuar politikisht një process gjyqësor në Shtetet e Bashkuara i cili s’ka asnjë lidhje me shtetin shqiptar, me qeverinë e Shqipërisë apo me mua personalisht,” – u shpreh Rama.

Ndërsa rikujtoi se McGonigal akuzohet për një bashkëpunim të paligjshëm me një oligark rus dhe se prokurorët kanë konstatuar sipas tyre edhe shkelje në vizitat e tij në Shqipëri, Rama interpretoi  më në detaje aktakuzën.

Aktakuza shënon gjithashtu se ai nuk i ka deklaruar udhëtimet apo takimet në rajon dhe gjithashtu nënvizon se ka marrë para borxh nga një shtetas shqiptaro-amerikan, i ashtuquajtur personi A. Në rreshtat e aktakuzës përmendet dhe hetimi amerikan i parave ruse të Partisë Demokratike ku shënohet dhe që personi A ka marrë nga zyra ime një material lidhur me këtë çështje.

Aktakuza flet dhe për një person B i cili ka qenë këshilltar i jashtëm i imi disa vite më parë dhe i njohur i të akuzuarit. Procesi nuk ka asnjë të akuzuar tjetër përvec ish-zyrtarit të lartë të FBI-së, Charles McGonigal,” – deklaroi Rama.

LEXONI GJITHASHTU:

• Berisha shpërthen në Kuvend: Kaos nëse Rama nuk i përgjigjet pyetjeve për McGonigal
• Debati McGonigal në Kuvend, Rama zgjedh të dëgjojë opozitën krah Pandeli Majkos