Rama: Shqipëria është gdhirë si Europa e Ballkanit

Ditën e sotme në Tiranë, do të mbahet për herë të parë Samiti i Procesit të Berlinit. Përfaqësuesit më të rëndësishëm të Bashkimit Europian, si dhe liderët e vendeve të Ballkanit Perëndimor do të marrin sot pjesë në këtë samit, i cili për herë të parë zhvillohet jashtë kufijve të BE-së dhe organizimi i është besuar qeverisë shqiptare.

Kryeministri Rama ka postuar një foto në faqen e tij në Facebook ku duket tryeza e samitit ë Piramidën e Diktatorit në Tiranë, ku siç u shpreh ai o të ulen armiqtë e tij të betuar.

“Dhe me tryezën e Samitit të parë të Procesit të Berlinit jashtë kufijve të BE-së, në Piramidën e Diktatorit në Tiranë, ku do të ulen armiqtë e tij të betuar, të cilët e shohin me respekt e me vlerësim gjithnjë e më të lartë Shqipërinë, që sot është gdhirë si Europa e Ballkanit, ju uroj një javë të mbarë,” – shkroi Rama.

Presidentja e Komisionit Europian, Ursula von der Leyen mbërriti dje në Tiranë, ndërsa i pranishëm në samit do të jetë edhe Presidenti i Këshillit Europian, Charles Michel.

Nuk mund të mungonte kancelari gjerman, Olaf Scholz, vendi i të cilit inicioi Procesin e Berlinit.

Pjesë e Samitit do të jetë dhe kryeministri spanjoll Pedro Sanchez, ndërsa presidenti francez Emmanuel Macron shtyu pjesëmarrjen për të mbëritur në Tiranë pasditen e sotme.

Ndërkohë, të pranishëm do të jenë edhe 6 përfaqësuesit e vendeve të Ballkanit Perëndimorë, përfshirë këtu edhe kryeministrin Ed Rama. Për herë të parë, që pas përplasjeve me Ramën, mbërrin në Tiranë edhe kryeministri i Kosovës, Albin Kurti. Nga radhët e Serbisë pritet që të marrë pjesë kryeministrja Ana Brnabic dhe jo presidenti Aleksandër Vuçiç.

LEXONI GJITHASHTU:

• Zbulohet agjenda e Antony Blinken pas vizitës në Izrael
• Zbardhet agjenda e Samitit të Procesit të Berlinit që do të mbahet në Tiranë