Kryeministri Edi Rama ka uruar kryebashkiakun e ri socialist të Himarës, Vengjel Tavon, për fitoren në zgjedhjet e ditës së djeshme.

Përmes një reagimi në faqen e tij në Facebook, Rama shkruan se do të punojnë që Himara e vitit 2030 të jetë një prej destinacioneve turistike më të kërkuara të Mesdheut.

Rama e quajti spektakolare fitoren e Tavos dhe domethënëse mbështetjen për PS.

Postimi i Ramës:

MIRËMËNGJES 😊

dhe me urimin për kryebashkiakun e ri të Himarës për fitoren spektakolare, kënaqësinë e mbështetjes domethënëse për Partinë Socialiste në zgjedhjet e djeshme, si edhe vendosmërinë për ta kthyer #Himarën2030🇦🇱 në një prej destinacioneve më të kërkuara të Mesdheut, ku në radhë të parë të gjithë ata që punojnë në industrinë turistike në Greqi, të kthehen për paga më të mira e për ajrin e pazëvendësueshëm të vendlindjes, ju uroj të gjithëve një javë sa më të qetë🫶

LEXONI GJITHASHTU:

• Fitoi zgjedhjet në Himarë, Vangjel Tavo: Gjikuria është i mirëpritur për nënkryetar
• Zgjedhjet në Himarë/ Përfundon dorëzimi i materialeve në KZAZ