Raporti austriak: Sa euro mban mesatarisht në portofol një qytetar shqiptar

Një shqiptar mban mesatarisht 117 euro cash në xhep. Shifra i referohet një raporti të bankës qendrore të Austrisë,e cila llogarit se sa euro mban portofoli i një qytetari në vendet e Europës lindore.

Në vitin 2019, një banor vendas mbante mesatarisht 126 euro cash; në vitin 2022, vlera ishte 149 euro, ndërsa 2 vjet më vonë kjo sasi parash u ul sërish, teksa monedha europiane humbi pikë në tregun tonë.

Për krahasim, në Bullgari portofoli i një banori vendas mban 119 euro, në Rumani 140, në Bosnje 188 dhe në Serbi 412 euro.

Por, ndërsa sasia e eurove është ulur, e kundërta ka ndodhur me numrin e banorëve që i mbajnë. Në vitin 2024, 35% e shqiptarëve mbanin euro në xhep, nga 30% në 2022-shin. Për Bankën Austriake, arsyet e mbajtjes dhe përdorimit të Euros në këto vlera, lidhet me përdorimin e valutës për blerje të zakonshme apo kursime.

Prej afro 5 vitesh, në Shqipëri Euro është zhvlerësuar rreth 25% në tregun valutor, duke ndikuar në sjelljen financiare të qytetarëve.

Këta të fundit, besojnë se monedha europiane do të stabilizohet në 5-vjecarin e ardhshëm.

LEXONI GJITHASHTU: 

• Çfarë pritet të ofrojë Banka Shqiptare e Zhvillimit për bizneset
• Marrja e kredisë/ Ekspertët: Rregullat e reja nga Banka e Shqipërisë do ulin shitjet