Ndërkohë që armiqësitë janë shtuar dhe ndihmat ushqimore thuajse janë ndaluar, raporti i OKB-së vlerëson se Gaza veriore shumë shpejt do të përballet me zinë e urisë.

Dërgesat e ndihmave të lejuara për të hyrë në Rripin e Gazës tani ishin më të ulëta se në çdo kohë që nga tetori 2023, sipas raportit të Klasifikimit të Fazës së Sigurisë Ushqimore të Integruar (IPC).

Alarmi nga Komiteti i Rishikimit të Urisë paralajmëroi për “një gjasë të afërt dhe të konsiderueshme të shfaqjes së urisë, për shkak të përkeqësimit të shpejtë të situatës në Rripin e Gazës”.

Aksesi në ushqim vazhdon të përkeqësohet, me çmimet e gjërave thelbësore në tregun e zi në rritje. Gazi për gatim u rrit me 2,612 për qind, nafta me 1,315 për qind dhe druri me 250 për qind, tha ai.

“Në të njëjtën kohë me çmimet jashtëzakonisht të larta dhe në rritje të artikujve thelbësorë ka qenë kolapsi total i mjeteve të jetesës për të blerë apo shkëmbyer ushqime dhe nevoja të tjera bazë”, thuhet në alarm.

LEXONI GJITHASHTU:

• Salvini: Trump meriton çmimin Nobel për paqe po ndali luftën në Ukrainë
• Pompei vendos kushte për turistët, jo më shumë se 20 mijë vizitorë në ditë