“Raportimi më i mirë i vitit”| Çmimi i jepet gazetarit të Euronews, Thimi Samarxhiu

Çmimi “Raportimi më i mirë i vitit” i jepet gazetarit Thimi Samarxhiu.

Gazetari i Euronews Albania u nderua me çmimin e ndarë nga Unioni i Gazetarëve si ‘gazetari i përkushtimit për raportim të kurajshëm’.

“Raportimet e tij nga fronti i luftës Izrael-Gaza-Palestinë pasurojnë traditën e reporterëve shqiptarë për të sjellë realitetin e zhvillimeve ndërkombëtare për mediat dhe publikun shqiptar,” – u shpreh kreu i Unionit, Aleksandër Çipa.

Samarxhiu ftoi dhe operatorin Olti Allmeta me të cilin shkoi për të raportuar nga lufta.

“E thirra jo pa qëllim kolegun Olti Allmeta sepse vërtetë ne dalim në televizor, por po mos të jetë mjeshtëria e këtyre djemve puna jonë nuk ka vlerë. Realisht ka qenë një nga raportimet më të vështira që kam pasur në jetën time. Për këtë dua të falënderoj padyshim Euronews Albania që na mundësoi të shkonim atje. Padyshim familjen time, dy fëmijët e mi, gjysmën time më të mirë dhe të gjithë kolegët gazetarë,” – u shpreh Samarxhiu.

LEXONI GJITHASHTU:

• “Ka një Gaza nëntokësore”- Eksperti: Hamasi pret të nisë luftën guerrile me Izraelin
• Lufta në Gaza/ Izraeli: Kemi hapur korridor humanitar për ata që duan të largohen