Rebeshe shiu dhe vranësira, si pritet të jetë moti në ditët në vijim

Meteorologu, Akil Osmani ka dhënë parashikimin e motit për këtë javë në një lidhje të drejtpërdrejt për Euronews Albania.

Ai tha se për ata të cilët kanë zgjedhur pushimet për këtë javë ka “lajme të këqija” , pasi ditën e sotme dhe të nesërme do të ketë mot të paqëndrueshëm.

“Do të ketë vranësira të shpeshta, të cilat krijojnë hapësira për momente të pakta me rreshje shiu në të gjithë territorin shqiptar. Në zonat lindore pritet të kemi rreshje shiu dhe breshër në zonat juglindore. Nga ana tjetër, do të ketë rënie të temperaturave të ajrit.” –tha meteorologu.

Sipas Osmanit, mëngjesi i sotëm ka regjistruar temperature deri në 14 gradë Celcius në zonat malore dhe maksimumi do të arrij jo më shumë 32 gradë Celcius.

“Që nga dita e mërkurë do të ketë përmirësime gradueale të kushteve të motit, ku në pjesën e dytë të ditës do të krijohet hapësira për rreshje të izoluara shiu në zonat lindore, kurse në zonat perëndimore do të ketë kthjellime, maksimumi do të arrij sërish 33 gradë Celcius.” – u shpreh ai.

Për ditët në vazhdim, meteorologu tha se di të ketë rritje të temperaturave në pjesën e dytë të javës, ku maskimumi i temperaturave do të arrij në 36 gradë Celcius.