Red Bull “sjell” Isack Hadjar në F1

Christian Horner pranon se piloti i akademisë, Isack Hadjar mund të debutojë në F1 sezonin e ardhshëm. Franco-Algjeriani 19 vjeçar u bashkua me programin e zhvillimit të Red Bull në vitin 2021 pas një karrierë të suksesshme në karting dhe vendit të 3’të në kampionatin francez të Formula 4 në vitin 2020.

Gjithashtu u rendit i 3’ti në “Formula Regional Asian Championship” dhe i 4’ti në “FIA Formula 3” në vitin 2022, përpara debutimit në “FIA Formula 2” sezonin e kaluar. Hadjar ka fituar deri tani 3 gara dhe ka përfunduar në podium në dy të tjera – përfshi fitoren në “Feature Race” në Silverstone.

Në të njëjtën kohë talenti tjetër i Red Bull, Arvid Lindblad po zhvillon një sezon të fortë në F3. 16 vjeçari është i dyti në klasifikimin e pilotëve pas fitoreve rradhazi në Britani. Paraqitje këto që nuk mund të jenë jashtë vëmendjes së drejtuesve dhe Horner ka pranuar se ato janë ndër arësyet kryesore se pse Red Bull nuk ka mbyllur ende kontratat në skuadrën simotër RB.

E thënë ndryshe, ka shance reale që Hadjar të shfaqet në pistat e F1, sezonin e ardhshëm. Franco-Algjeriani testoi në Silverstone gjatë Provave të 1’ra të Lira në bordin e ish AlphaTauri’t (tani RB) pasi e kishte bërë të njëjtën gjë në Meksikë dhe Abu Dhabi sezonin e kaluar. RB ka zyrtarizuar vetëm një pilot për vitin 2025 dhe ai është japonezi Yuki Tsunoda që rinovoi për një sezon. Ndërsa e ardhmja e Daniel Ricciardo’s nuk është konfirmuar ende. Në të njëjtën kohë Horner nuk është i kënaqur me formën aktuale të Sergio Perez që kaloi një tjetër fundjavë sfiduese në Silverstone. Paraqitje që po rrisin spekulimet për të ardhmen e tij. Duket se në këto momente ai nuk e ka të garantuar qënien përkrah Max Verstappen te Red Bull në vitin 2025.

LEXONI GJITHASHTU:

• Alpine, një kantier i hapur në Formula 1
• Paqe në pistat e Formula 1