Reduktohet me 800 hektarë sipërfaqja e përmbytur në Shkodër

Situata me përmbytjet është përmirësuar në Shkodër.

Gazetari i Euronews Albania, Teodor Gjerga raporton se kemi një reduktim të sipërfaqes së përmbytur me 800 hektarë në krahasim me një ditë më parë.

Vetëm 3 familje, nga 51 të evakuuara ndodhen tani në konviktet e Universitetit të Shkodrës, pasi pjesa tjetër është kthyer në banesa.

Përmirësim të situatës ka edhe në zonën e Obtit, ku niveli i ujit nuk arrin më shumë se 40 cm.

Ndërkohë situata vijon të mbetet problematike në lagjen Ajasëm, ku ka një rritje të nivelit të ujit dhe banorët përdorin edhe varkat për të dalë nga banesat e tyre.

Një lajm i mirë vjen nga Kaskada e Drinit, ku ka një rënie të prurjeve dhe një rënie të shkarkimeve.

Gjitha zona e Shkodrës karakterizohet nga rënia e temperaturave dhe në zonat e përmbytura ka probleme me energjinë elektrike.

LEXONI GJITHASHTU:

• Mbi 1600 hektarë tokë e përmbytur në Shkodër, 26 familje janë evakuuar
• VIDEO | Pamje me dron nga sipërfaqja e përmbytur në Shkodër
• Përmbytjet, 9 deputetë të PD-së kërkojnë interpelancë urgjente me Ramën