Pas shtyrjes së mbledhjes së Komisionit për Reformën Zgjedhore, deputeti Oerd Bylykbashi ka dalë në një deklaratë për mediat ku tha se PS nuk kërkon një reformë konsensuale.

Në fjalën e tij ai tha se është e rëndësishme  të marrim dhe të trajtojmë shqetësimet thelbësore dhe jo të krijohen mazhoranca false në parlament.

Bylykbashi theksoi se po kërkojnë të njëjtën gjë që kërkoi dhe Edi Rama kur ishte në opozitë, gjë të cilën mazhoranca ia dha.

“Sot ishte përsëri prova sesi PS nuk kërkon një reformë zgjedhore konsensuale me një komision mbipartizan që funksionon mbi bazën e konsensuale. Ne kërkojmë një komision të përbërë gjysmë nga mazhoranca dhe gjysma nga opozita, secila palë përfshin të gjithë faktorët politikë dhe partitë brenda saj. Shqipëria nuk ka nevojë për politikë të njëanshme. Është e rëndësishme  të marrim dhe të trajtojmë shqetësimet thelbësore dhe jo të krijohen mazhoranca false në parlament.

Rama e ka deklaruar se do të kërkojë një shumicë numerike ndërsa ne kërkojmë atë që Rama kërkonte kur ishte në opozitë, të cilën ia garantoi mazhoranca. Ishte ai mekanizëm që garantoi një përmirësim të zgjedhjeve që mundësoi  që të kishte rotacion në vitin 2013. Atë që arriti, atë kërkoi të mos ja lejoj opozitës. Këtu nuk ka popullsi, Edi Ramës i dalin shifrat më të larta. Ky është standardi  zgjedhjeve që kërkon, dhe ky është standardi i zgjedhjeve që ne duam të zhbëjmë”-tha ai.

LEXONI GJITHASHTU: 

• Eurodeputeti slloven për Serbinë: Vuçiç ka reagime nervore
• “Do ju vras”- Kërcënoi me sëpatë gruan dhe 4 fëmijët, arrestohet 50-vjeçari (Emri)