Regjistrimet në çerdhe të hapura deri më 7 qershor, dokumentacionet që kërkohet

Nga sot e deri në fund të javës janë hapur regjistrimet për në çerdhe publike. Prindërit duhet të paraqesin dokumentacionin brenda javës, për objektet e kujdesit dhe edukimit pranë banesave ku jetojnë, të njësive bashkiake që ju përkasin. Ndërsa bëhet me dije se për kopshtet regjistrimi nis më 10 qershor.

Zhaneta Beqiri, drejtoresha e çerdheve dhe kopshteve Tiranë, ka shpjeguar të gjitha dokumentacionet që kërkohen për regjistrimin e fëmijëve.

“Duhet të kenë me vete dy certifikata, të fëmijës dhe familjaren, gjithashtu edhe vërtetimet e punës, për shkak se kemi çerdhe që kanë numër të lartë aplikimesh dhe fillimisht ju japim të drejtën për regjistrim atyre fëmijëve që prindërit i kanë në punë dhe i kanë më të nevojshëm. Kjo kategori shoqërohet edhe me fëmijët e tjerë të kategorive prioritare, si fëmijët me aftësi të veçanta, apo që trajtohen me ndihmë ekonomike”, thotë Beqiri.

E ndërsa numri i lartë i kërkesave ka çuar me marrjen e masave, hapjen e disa kopshteve të reja.

LEXONI GJIHASHTU

• Apeli i Tominit: Mos i çoni fëmijët në kopshte e çerdhe nëse kanë grip
• Matura Shtetërore, 28 mijë maturantë zhvilluan provimin e parë të gjuhës së huaj