“Rekord turistik në 2024”, media italiane: Gushti që vjen në Shqipëri, i rezervuar

Shqipëria është në rrugën e duhur për të rrëmbyer kurorën e Mbretëreshës së Turizmit për vitin 2024.

Media italiane “La Gazzetta del Mezzogiorno” në një artikull të dedikuar, rrëfen suksesin e turizmit shqiptar I cili shënoi shifra rekord verën që lamë pas.

Sipas Unionit Shqiptar të Turizmit, operatorët raportuan një rritje prej 35% të kontratave të garantuara për turizmin e organizuar për vitin e ardhshëm. Së bashku me to janë rritur edhe kontratat e garancisë nga 15 në 25%.

Në destinacionet bregdetare si Saranda dhe Vlora disa njësi akomoduese janë tashmë plotësisht të rezervuara për gushtin.

Aksesueshmëria e lehtë që tashmë është mundësuar në Shqipëri nga shtimi i linjave ajrore ka ndikuar në rritjen e interesit për vizitorët e huaj për vendin tone, shprehen operatorët.

Sipas Unionit të Operatorëve Turistikë, italianët ishin grupi i dytë më u madh në tetë muajt e parë të këtij viti, me 660 mijë vizitor nga 9 milionë shtetas të huaj në total.

Ndërkohë këtë pranverë, Tirana do të presë 40 ministrat evropianë të Turizmit, për takimin e 70-të të Komisionit për Europën të Organizatës Botërore të Turizmit.

LEXONI GJITHASHTU:

• FMN: Rritja ekonomike 3.5%, turizmi garantoi zhvillimin
• Ekoturizmi në Gjirokastër, qyteti ofron resurse të veçanta