RENEA hyn në banesën e vajzës që alarmoi policinë, gjendet e vetme në apartament

Forcat RENEA kanë mundur të hyjnë në ambientet e banesës së shtetases me iniciale S. Q,. e cila alarmoi Policinë e Shtetit. Ajo kishte kërkuar ndihmë nga policia pas pretendimeve se është dhunuar nga disa persona të panjohur, por nga ana tjetër nuk është kundërpërgjigjur ndaj policisë.

Pasi forcat e policisë kanë hyrë në ambientet e banesës, është verifikuar se shtetësja ndodhej e vetme dhe në gjendje psikologjike të rënduar.

Gjatë aksionit, forcat e policisë kanë konstatuar gjithashtu armë pistoletë në banesë.

Ajo kishte vendosur të mbyllej në banesë në mënyrë hermetike duke e bërë të vështirë për policinë hyrjen nga ana e ballkonit.

Në përfundim të aksionit policor, grupi hetimor tashmë ndodhet në banesë nga ku pritet të merret në pyetje shtetësja me iniciale S.Q.

LEXONI GJITHASHTU:

• Alarmi i dhënë nga vajza në Astir, Renea futet në banesë nga tarraca e pallatit
• Renea blindon Astirin, dyshohet se është marrë peng një vajzë