RENEA zbarkon në Ksamil, Karamuço: Vrasja e rojës në Vlorë me porosi nga Dubai

Profesori i kriminalistikës, Ervin Karamuço tha në emisionin Now në Euronews Albania se policia ka arrestuar mbrëmjen e së martës njërin nga autorët e vrasjes së 58-vjeçarit Renato Hoxhaj 2 ditë më parë në qytetin e Vlorës.

Ai informoi se FNSH dhe RENEA kanë zbarkuar në zonën e Ksamilit ku kanë rrethuar dhe kanë arrestuar njërin nga autorët, ndërsa autori tjetër, që dyshohet se është shtetas i huaj, është arratisur drejt Greqisë.

Karamuço tha se policia e ka zbardhur plotësisht vrasjen që fillimisht u dyshua për çështje pronësie, nga ku ka rezultuar se bëhet fjalë për një vrasje mafioze të porositur nga Dubai nga grupe kriminale.

“Ditën e djeshme qyteti i Vlorës u trondit nga një ngjarje e rëndë ku u vra roja e një objekti dhe u përfol për një konflikt pronësie. Sot policia me një punë spektakolare e ka zbardhur plotësisht atë vrasje, nuk është vrasje për çështje pasurie, është një vrasje shumë e sofistikuar e porositur nga Dubai nga grupet kriminale, krimi i organizuar, grupe që kanë porositur 2 persona për të kryer atentatin. Njëri është i huaj, ka kaluar kufirin dhe po ndiqet nga autoritetet greke, tjetri është rrethuar në Ksamil dhe sapo është arrestuar”, tha Karamuço.

LEXONI GJITHASHTU:

• Vrasja në Vlorë, ky është 58-vjeçari që u ekzekutua në hyrje të banesës së tij
• Vrasja e 58-vjeçarit në Vlorë, kamerat filmuan autorin, 2 pistat ku po hetohet