“Rënia e euros nuk është e stisur”- Shkodra: Si po përfiton qeveria nga ky fenomen

Kreu i shoqatës së prodhuesve, Arben Shkodra, është shprehur se rënia e euros nuk është një fenomen i prodhuar artificialisht nga ana e qeverisë.

Komentet Shkodra i bëri në emisionin “Now me Erla Mëhillin” në Euronews Albania, ku tha se qeveria po përfiton nga rënia e euros përmes uljes së inflacionit dhe uljes së nivelit të borxhit.

Por nga ana tjetër, ai tha se shumë biznese në vend po humbasin nga ky fenomen.

“Kjo është një ngjarje e pazakontë për konteksin ku jemi, për kushtet ku është ekonomia shqiptare dhe botërore. Unë kam qenë i qartë në çdo dalje publike se jo i gjithë prodhimi vendas po vuan këtë situatë. Ka një pjesë të industrisë, që janë bimët medicinale, që po e vuajnë këtë gjë, për shkak të kushteve si ato bëjnë biznes.

Ato e kanë lëndën e parë dhe përpunimin brenda vendit. Do ta shesin jashtë dhe rënia e euros ndikon. Po ta shohësh në këndin e qeverisë, padyshim ka përfitime nga kjo ngjarje. Duhet të kesh një kontroll shumë të madh ta krijosh një ngjarje të tillë, prandaj nuk besoj se e ka bërë qeveria. Por përfiton në uljen e inflacionit, përfiton në uljen e borxhit dhe shumë aspekte të tjera”, është shprehur Shkodra.

LEXONI GJITHASHTU:

• Gazetari zbulon skemën: Si çon pastrimi i parave në rënien e fuqisë së euros
• Berati ndez dritat për festat, Merdani: Mirëpritëm 800 mijë turistë gjatë vitit