Reshjet e dëborës zbardhin zonat e thella malore në juglindjes të vendit

Këtë të shtunë zonat e thella malore në juglindje të vendit janë zgjuar të zbardhura nga dëbora.

Reshje të cilat më të dendura kanë qenë në lartësitë mbi 1400 m, në Dardhë trashësia e dëborës ka shkuar deri në 5cm aq sa është dashur ndërhyrja e borëpastrueseve për të normalizuar qarkullimin nga “Muri i Musait” deri në Majë të Bigllës, aty ku e trashësia ka qënë me e madhe.

Reshje dëborë ka patur edhe në fshatra si Arrza, Sinica por trashësia e borës ka qënë më e pakët.

Dëborë ka patur edhe në Mashkullorë e Shtyllë të Korçës dhe në majat e maleve të Voskopojës e Lekasit.

Dëbora ka sjellje ulje të temperaturave por deri tani sipas specialistëve të bujqësisë nuk ka shkaktuar dëme në frutikulturë.

LEXONI GJITHASHTU:

• Një stuhi e fortë dëbore godet verilindjen e SHBA-së, disa të vdekur dhe të plagosur
• Dëbora ‘mbulon’ Shkodrën, kush janë akset rrugore që duhet bërë kujdes