“Retorikë intimiduese”- IDM reagon ndaj deklaratave të Ramës për SPAK-un e GJKKO-në

Instituti për Demokraci dhe Ndërmjetësim (IDM) ka reaguar pas deklaratave të kryeministrit Edi Rama lidhur me SPAK dhe GJKKO në çështjen ndaj kryebashkiakut Erion Veliaj.

Në reagimin e tij, IDM e cilëson këtë retorikë si intimiduese dhe u bën thirrje aktorëve politikë që të respektojnë parimet kushtetuese dhe pavarësinë e institucioneve.

“IDM shpreh shqetësim të thellë për retorikën intimiduese që ka shënjestruar në mënyrë të përsëritur SPAK-un, GjKKO-në dhe BKH-në.

IDM u bën thirrje aktorëve politikë dhe institucionalë të tregojnë vetëpërmbajtje dhe të respektojnë si në deklarata ashtu edhe në veprime, parimet kushtetuese, ndarjen e pushteteve dhe pavarësinë e institucioneve.

Konsolidimi i shtetit të së drejtës dhe lufta kundër korrupsionit mbeten kushtet themelore dhe të panegociueshme për qytetarët shqiptarë, stabilitetin e vendit, prosperitetin e shoqërisë dhe integrimin në Bashkimin Evropian,” thekson IDM.

LEXONI GJITHASHTU:

• KLGJ reagon ndaj deklaratave të Ramës: Gjyqtarët duhet të jenë të lirë nga presionet
• “Janë ekstremistë të PD!”- Rama sulmon dy gjyqtarët e GJKKO: Dumani të hetojë
• Arrestimi i Veliajt, Rama: Vetëm një maskara mund të mendojë që kontrollojmë SPAK-un