Ministrja e Punëve të Jashtme ka reaguar pasi 141 vende në Asamblenë e Përgjithshme të OKB-së votuan për tërheqjen e trupave ushtarake të Rusisë nga Ukriana.
Përmes një postimi në rrjetet sociale, Xhaçka u shpreh se kjo është një dëshmi e qartë që veçon dhe dënon Rusinë.
Ajo u shpreh krenare për Shqipërinë si bashkësponsorizuese e kësaj rezolute.
“Në Asamblenë e Përgjithshme të OKB-së sot 141 vende votuan pro paqes në Ukrainë dhe ripohuan mbështetjen për sovranitetin dhe integritetin territorial të saj. Kjo është një dëshmi e qartë që veçon dhe dënon Rusinë. Krenar për Shqipërinë si bashkësponsorizuese e kësaj rezolute”, shkroi Xhaçka në Twitter.
141 countries today at #UNGA calling for peace in #Ukraine 🇺🇦 & reaffirming support for Ukraine’s sovereignty & territorial integrity is clear proof of Russia’ isolation & condemnation. Proud #Albania 🇦🇱 co-sposored resolution. pic.twitter.com/RrC9CO7T34
— Olta Xhaçka🇦🇱 (@xhacka_olta) February 23, 2023
