Rezoluta e PS| Noka: S’mund të fshijmë 11 vite korrupsioni të qeverisjes së Ramës

Deputeti i PD dhe sekretari i përgjithshëm i Rithemelimit, Flamur Noka, është shprehur se mazhoranca socialiste kërkon të mbyllë me një rezolutë një histori 11 vjeçare krimi e korrupsioni.

Komentet Noka i bëri përmes një deklarate për mediat, ku tha se kërkesa e PS për një rezolutë anti-korrupsion është një momenti kulminant talljeje nga qeveria.

Ai tha gjithashtu se kryeministri Edi Rama është përgjegjësi kryesor për korrupsionin dhe kriminalitetin në vendin tonë.

“Kjo mazhorancë, ky kryeministër ka bërë në këto 11 vite plot gjëra fyese, tallëse, poshtëruese për publikun, për qytetarët e këtij vendi, dhe për opozitën. Por padyshim se ky moment, është nga më kulminantët. Të vish këtu pas 3 mandateve krim dhe korrupsion, e të kërkosh ta mbyllësh këtë histori me një rezolutë, kjo është e pabesueshme.

Dhe më keq akoma, të vijë këtu Edi Rama, përgjegjësi kryesor për korrupsionin, për lidhjet me krimin, me ligj, me kushtetutë, me moral me çdo normë e zakon, të vijë këtu tani e të thotë me këtë palo rezolutë, që më gradoni mua si kalorësin anti-korrupsion të Shqipërisë Europiane, këtë nuk ta rrok mendja”, tha Noka.

LEXONI GJITHASHTU:

• Flamur Noka nga Kuçova: Shpiragu, mashtrimi i radhës i Ramës! Shqipëria e braktisur
• Kaosi në seancën plenare të së hënës, përjashtohet me 30 ditë Flamur Noka