Rezolutë pro Palestinës në OKB, proteston Izraeli: Po pranoni një shtet terrorist!

Asambleja e Përgjithshme e OKB-së ka përforcuar të drejtat e Palestinës në radhët e organizatës dhe ka bërë thirrje që ajo të pranohet si vend anëtar.

Palestina ka pasur statusin e një vendi joanëtar vëzhgues që prej 2012-s, gjë që i jep disa të drejta të vogla. Por anëtarësia mund të vendoset vetëm në Këshillin e Sigurimit.

Së fundmi, Shtetet e Bashkuara vendosën veton ndaj një anëtarësimi të plotë, por votimi i së premtes shihet si një gjest mbështetjeje për palestinezët.

Presidenti Mahmoud Abbas mirëpriti rezolutën, duke thënë se ajo mbështet përpjekjet palestinezë për një tjetër votim në Këshillin e Sigurimit.

“Palestina do të vazhdojë përpjekjet e saj për anëtarësim të plotë në OKB”, tha ai në një deklaratë.

Ndërkohë, ambasadori i Izraelit në organizatë, Gilad Erdan deklaroi se organizata sapo kishte mirëpritur në radhët e saj një “shtet terrorist”.

Në shenjë proteste, ai grisi një kopje të statutit të OKB-së, gjë që sipas tij e bënë vendet anëtare duke miratuar rezolutën.

Votimi erdhi mes të dhënave se vende të ndryshme evropiane planifikojnë të njohin Palestinën si shtet.

LEXONI GJITHASHTU:

• OBSH bën thirrje për armëpushim të menjëhershëm në Gaza
• SHBA, optimiste për arritjen e një armëpushimi në Gaza