English

Rikthehen protestat në Gjeorgji/ Shoqëria civile kundër nismës për ligjin ‘rus’

KOMENTE

SHPERNDAJE
ARTIKULLIN

Text sizeAa Aa

Policia në Gjeorgji përdori gaz lotsjellës kundër protestuesve të mbledhur jashtë Parlamentit në Tbilisi, për të kundërshtuar ligjin për “influencën e huaj”, i propozuar nga partia në pushtet, Ëndrra Gjeorgjiane.

- Advertisement -

“Qëllimi i këtij ligji është transparenca dhe kufizimi sa më shumë i: polarizimit, radikalizmit, agresivitetit, ekstremizmit fetar, dobësimit të institucioneve, financimit të stileve jotradicionale të jetesës dhe financimi i synimeve revolucionare radikale të partive”-theksoi Mamuka Mdinaradze, kryetar i grupit parlamentar të Ëndrra Gjeorgjiane

Parlamenti debatoi draftin por e shtyu votimin për të mërkurën. Ligji përmban një propozim që partia në pushtet tërhoqi vitin e kaluar pas protestave masive që mbushën rrugët.

Kundërshtarët e propozimit argumentojnë se ai mund të nxjerrë nga shinat ambiciet e Gjeorgjisë për t’iu bashkuar BE-së dhe e cilësojnë atë si një “ligj rus”.

Një grup protestuesish sulmoi gazetarin e një televizioni të afërt me qeverinë. Ndërsa gazetarë të tjerë nga mediat digjitale denoncuan agresionin nga policia.

“Sërish i themi jo ligjit rus. Është një fatkeqësi që në vend që të punojmë për të ardhmen, të studiojmë apo të argëtohemi, duhet të mblidhemi këtu çdo vit, sërish e sërish. Sidoqoftë, koha e kaluar këtu nuk shkoi dëm, sepse kemi arritur rezultate”-tha një protestuese.

Presidentja e Gjeorgjisë ka paralajmëruar se do të vendosë veton nëse ligji kalon. Ajo u dërgoi një mesazh liderëve evropianë, duke u kërkuar që të diskutojnë zhvillimet në sesionin e ardhshëm të Këshillit Evropian.

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?