“Rilind” Barcelona, kryeson La Liga-n me të gjitha fitore

Barcelona e këtij sezoni ka rilindur e për këtë ka një meritë të padiskutueshme trajneri Hansi Flick, i cili i ka shtyrë blaugranët drejt fitores së 5-të në po aq javë. Të dielën ishte radha e Gironës që të mposhtej në shtëpi, duke pësuar një poker golash. Në fraksionin e parë ishte Yamal me dopietë, e pas tij Olmo e Pedri, ndërsa vendësit gjetën golin e vetëm me uruguaianin Stuani. Triumfi i pestë radhazi për katalanasit të cilët i japin një mesazh në distancë Los Blancos sa i përket garës për titull.

Në mbrëmje ishte Atletico e Madridit e cila mori një fitore pa shumë mundim ndaj Valencias. Në Wanda Metropolitano, të besuarit e Simeones zhvilluan një paraqitje pozitive, duke shënuar në minutën e 39’ me Callagher. Me nisjen e pjesës së dytë ishte ylli francez Antoine Griezmann e në mbyllje Julian Alvarez, që vulosën triumfin 3-0.

E diela rezervoi fitore dhe për Bilbaon e Celta Vigon, ndërsa të shtunën Reali i Madridit likujdoi Sociedadin. Kreu i tabelës i takon Barcelonës, e më pas me nga 11 pikë secila vijnë Real Madrid, Atletico e Villareal.

LEXONI GJITHASHTU:

• Barcelona konfirmon se kapiteni Sergi Roberto është larguar nga klubi
• Engolo Kante drejt rikthimit në Europë, Barcelona shfaq interes për lojtarin