“Rindërtimi shumë larg përfundimit”, Ibrahimaj i përgjigjet Tabakut me një foto

Në seancën e kësaj të enjteje në Kuvend po mbahet interpelanca ministren e Financave dhe Ekonomisë Delina Ibrahimaj nga deputetja e PD Jorida Tabaku.

Tabaku solli në vëmendje procesin e rindërtimit nga tërmeti duke thënë se përfundimi i këtij procesi është gënjeshtër.

“Në buxhetin e shtetit ka një fond prej 5 miliardë lekësh të alokuar për një proces që dukshëm është shumë larg përfundimit,” – deklaroi Tabaku, ndërsa ngriti pyetje për shpenzimet e procesit.

Ibrahimaj u përgjigj me një foto nga foltorja në momentin që mori fjalën. Ajo tregoi Thumanën para dhe pas duke treguar në këtë mënyrë se rindërtimi po ecën me ritme të shpejta.

Sipas ministres nuk ka asnjë detyrim të prapambetur nga fondet e rindërtimit. Ajo theksoi se ka pasur transparencë të plotë për të gjitha shpenzimet.

“Tërmeti kishte shkaktuar një dëm total prej 1 miliard euro. Pati shumë njësi banimi të cilat u dëmtuan. Në kushtet e emergjencës qeveria shqiptare u angazhua përmes mekanizmit të fondit rezervë dhe akorduan për të dëmtuarit nga tërmeti. Si asnjë vend tjetër të botës në një kohë rekord të dëmtuarve nga tërmeti u akomoduan në hotele dhe jo në çadra.  Nuk ka detyrime të prapambetura nga fondi i rindërtimit. Te gjitha fondet e rindërtimit janë tenderuar si çdo projekt tjetër. Të gjitha janë subjekte të KLSH-së. Ju ftoj që kur hidhni këto supozime të vini me shifra e projekte konkrete. Jo me supozime të dëgjuara në ambiente e kafene,” – deklaroi Ibrahimaj.

Sot në rendin e ditës parashikohet gjithashtu që të votohet projektligji i “Për tatimin mbi të ardhurat” që lidhet me sistemin e tatimit të individëve dhe entiteteve ligjore në Shqipëri.

Në projektligjin e ri, të ardhurat personale të tatueshme janë klasifikuar në 3 kategori: të ardhura nga punësimi; të ardhura nga biznesi; të ardhura nga investimi.

LEXONI GJITHASHTU:

• Pastrimi i parave| Tabaku: 6 në 10 kompani nuk kanë burime financimi për të ndërtuar
• A janë sulmuar bankat nga hakerat? Ibrahimaj zbulon nëse janë vjedhur llogaritë