Rinumërimi në Fier: Si ndryshojnë shifrat, mandati i Zegjine Çaushit në diskutim

Vota e 11 majit për qarkun e Fierit po numërohet nga e para, si për partitë politike dhe për kandidatët për deputetë në listë të hapur.

Gazetarja Enkelejda Mema raportoi se nga rinumërimi i 120 nga 587 kutive gjithsej (deri në orën 16:00), PD ka marrë 22 vota më shumë, PS 6 vota më shumë, Shqipëria Bëhet 3 vota më shumë.

Rinumërimi i votës në 587 kutitët e qarkut të Fierit erdhi si kërkesë e koalicionit “Nisma Shqipëria Bëhet” dhe u mbështet Partia Demokratike.

Shpresën se hapja e kutive mund të prodhojë një rezultat të ndryshëm nga ai 11 majit e ka “Nisma Shqipëria Bëhet”. Ajo mes vota të vlefshme dhe pavlefshme kërkon të gjejë 509 që do t’i jepnin mandatin e parë të deputetit, përveç atij të fituar në qarkun e Tiranës.

Dhe nëse kjo ndodh, karrigen e deputetes e humb e 12-ta në listën e hapur të Partisë Socialiste, deputetja e zgjedhur Zegjine Çaushi.

Kjo është vetëm një nga pritshmëritë e rinumërimit të votës për qarkun e Fierit. Në garë është edhe Maldrita Bardho. Mandati mes saj dhe Zegjine Çaushit ndahet për 64 vota.

Meqenëse hapja e kutive të Tiranës vërtetoi se gabime njerëzore ishin bërë në numërimin e votës preferianciale, nuk ka pse mos të ketë ndodhur edhe në Fier dhe dy socialistet Zegjine Çaushi dhe Maldrita Bardho të jenë më sytë nga palestra e Fahrie Hotit.

Nga rinumërimi interesi i vetëm i Aleancës për Shqipërinë Madhështore është nëse ai do t’ia heqë mandatin e 12 Partisë Socialiste dhe nuk do të vë përballë njëri tjetrit në kuvendin e ri të shtatorit Zegjine Çaushin dhe Gazmend Bardhin.

Gara e 11 majit u mbyll në Fier me triumfin e PS-ës me 12 mandate dhe dështimin e PD-ës me 4.

Pas Tiranës e cila nuk prodhoi asnjë ndryshim në mandate, radha është e Fierit për të vërtetuar akuzat e demokratëve se farsa zgjedhore është zhvilluar si jashtë dhe brenda kutisë së votimit.

LEXONI GJITHASHTU:

• Ekzekutimi i 41-vjeçarit në Fier, prokuroria dërgon në gjyq 2 vëllezërit
• Rinumërimi në Tiranë, anëtari i KAS: Nuk ndryshon shpërndarja e mandateve