Siguria e fëmijëve në internet është një nga tematikat më delikate dhe të rëndësishme për t’u trajtuar, sidomos me zhvillimin që ka marrë teknologjia.

Implementimi i një aplikacioni të ri për të reduktuar shikimin dhe klikimin në internet të materialeve të abuzimit seksual të fëmijëve ka marrë 1.8 milion paund financim nga BE.

Projekti “Protech” është një bashkëpunim që përfshin organizata nga BE dhe Mbretëria e Bashkuar.

Aplikacioni i projektit i quajtur Salus synon të funksionojë në kohë reale, duke përdorur inteligjencën artificiale për të identifikuar materialin e mundshëm ku abuzohen fëmijët dhe për të ndaluar përdoruesit ta shohin atë.

Ai do të testohet me vullnetarë që kanë kërkuar ndihmë sepse njerëzit tërhiqen nga imazhet e paligjshme. Aplikacioni mund të instalohet në pajisje të tilla si telefonat dhe do të identifikojë dhe bllokojë shfaqjen e imazheve dhe videove të dëmshme.