Risia në trajtimin e varësisë nga droga, si funksionon “intervista motivuese”

Toksikologia Sonila Bitri, ka shpjeguar për “Health o’clock” në Euronews Albania mënyrën se si po bëhet trajtimi i ri për personat të cilët kanë varësi nga lëndët narkotike.

“Intervista motivuese” quhet ky trajtim i cili sipas toksikologes është një teknikë e cila është e rre në Shqipëri, por ka vite që përdoret në botë.

Ajo tha se kjo është një bisedë e ngrohtë për ndryshimin e sjelljes, kryesisht për personat që kanë probleme me varësinë ndaj lëndëve narkotike dhe alkoolit, por nuk janë të motivuar për të hyrë në rehabilitim.

“Është një bisedë e ngrohtë në një ambient komod, për ndryshimin e sjelljes. Kjo është kryesisht për persona që kanë probleme me abuzimin, me alkoolin, me hashashin dhe nuk janë të motivuar për të bërë ndryshimin, për të hyrë në procesin e rehabilitimit. Është një lloj vallëzimi në procesin e terapisë, ku udhëheqës është terapisti, është hapi i parë para procesit të gjatë të rehabilitimit”,-tha Bitri.